Wat die hart begeer

’n Skenkerhart gee Mienke Langeveldt ’n tweede kans op die lewe. Sy vind uit dit het aan aktrise Sheralize Myburgh behoort en wil haar dank teenoor die wewenaar, Franco, en sy dogter betoon sonder dat hulle uitvind wie sy is. Daar word gegis dat Sheralize se dood nie ’n ongeluk was nie en Mienke is lugtig vir Franco, maar ook sterk tot hom aangetrokke. Is dit Sheralize se hart se sellulêre geheue of is Franco regtig die man wat Mienke wil hê?