Vuur op die horison

Vuur op die horison is ‘n meesleurende roman wat strek van 1846 tot 1903, met die Anglo-Boereoorlog as brandpunt. Generasies en kontinente word omspan: die leser word meegevoer na o.m. die Suid-Afrikaanse goud- en diamantvelde, Victoriaanse Engeland, Matabeleland, Portugal, die eilande van Indië en selfs die barre vlaktes van Argentinië. Maar die roman is bo alles aangrypend in sy uitbeelding van universele menslikheid wat tot die uiterste beproef word.