Vadyondzi Va Namuntlha Gr 12 (Xitsonga HL) Drama

Vana vo tala loko va ri ekusuhi na vatswari va vona va ngati va na matikhomelo ya kahle. Kambe loko va ri ekule na vona ku fana na le swikolweni na lomu va tlangaka kona loko xikolo xi humile va na matikhomelo yo biha. Va tinghenisa eka timhaka to rhandzana kasi hitlhelo va hanya na switlhavani. Tsalwa leri ri humesela ehandle mahanyelo yo tano lawa vatswari va nga ya amukeleki.
Laha hi tivisiwa hi le xikolweni xa le henhla xa Dyondzekani, elokhixini ra Baralonga, ku na Jimmy na Xiluva lava ku nga khale va ri karhi va rhandzana. Va te va ha rhandzana, mufana un’wana, Fumani, o sungula ku gangisa Xiluva. Leswi swi vangile ku tshwukise- lana mahlo exikarhi ka Jimmy na Fumani. Ku holova exikarhi ka Jimmy na Xiluva a swi nga ha heli hikuva Jimmy a sungule ku ka a nga ha n’wi tshembhi murhandziwa wak- we. Hikwalaho, ku tshamela ku holova exikarhi ka varhandzani lava vambirhi, Jimmy na Xiluva swi fikile eka xiyimo xo tika. Kutani Xiluva a teka xiboho xo hambana na Jimmy. Endzhaku ka sweswo Xiluva u sungule ku rhandzana na Fumani.
Kambe hi xitshuketa, rirhandzu ra Fumani na Xiluva ri kavanyetiwile hi ku fa ka vona vambirhi. Hi mafu ya vona hi lava ku ku dyondzisa hi switandzhaku swa loko vana va nga yingiseli vatswari, va tiendla lavo tlhariha ngopfu. Xikombiso, ku fana na loko vana va yengana va tinghenisa eka timhaka ta masangu.