Shéri

Shéri Brynard is gebore met Downsindroom. Dokters het haar ma maar min moed gegee, maar op 35 jaar is Shéri ‘n lewendige jong vrou met ‘n menigte avonture op haar kerfstok. Sy het vir Oprah ontmoet, hand geskud met die president en by internasionale konferensies opgetree. Hierdie boek vertel die verhaal van ‘n buitengewone vrou wat danksy harde werk, wilskrag – en ‘n diepe afhanklikheid van God – voluit leef.