Ntlhaloganyeng Grade 7 Novel (CAPS)

Padi e e tlhalosa fa bana botlhe ba tshwana, e bile ba tshwanetse go tsholwa ka mokgwa o o lekalekanang gonne ba na le maikutlo botlhe. Ngwana ke ngwana, go sa kgathelesege gore ke wa ga mang. Le fa go ntse jalo morutabana o tshwanetse go itse fa mongwe le mongwe wa bana bao a na le semelo sa gagwe, a na le ditlhokego tse di tshwanetseng go kgotsofatswa. Botlhe ba rata fa morutabana a ka ba tlhaloganya, a ba a ba supetsa fa mongwe le mongwe e le gauta e e botlhokwa, e bile a na le tulo e e boritho mo diatleng tsa gagwe. Se se mo lopa gore a leke go fitlhelela ditlhokwa tsa bona ka bopelotelele.