Moleleka Kgama Ya Mariga…

Moleleka kgama ya mariga o e leleka ka kobo e se re gongwe a thanya lomapo lo le tsebeng. Go botlhokwa thata mo botshelong go tsaya tsia dikgakololo tse gantsi di inolang ba bantsi mo mathateng. Fa o kile wa tlhagisiwa ka selo mo botshelong, o nne o iphaphe go re o seka wa iphitlhela o omilwe ka logare wa ba wa beolwa ka lone. Mogologolo o boletse a re bana ba motho ba kgaogana tlhogwana ya ntsi. Motswana wetsho, obola o bo o obole o tlaa ja monate ka kwa teng.