Liefde vir Reza

Die Amerikaner Seth Carlan is ’n man van teenstrydighede. Die legkaartstukkies van sy lewe sal hý inmekaar laat pas. Vroue lees te maklik vir ewig en ewig, amen, in sy optrede. Daarom is hy oorversigtig. Tot hy die beeldskone en enigmatiese Reza Mettler ontmoet wat sy prioriteite heeltemal deurmekaarskommel … Maar Reza is nog versigtiger. Sy skulp haar toenemende aangetrokkenheid tot dié donkerkopman behoedsaam toe. Hy kan lekker rondspeel omdat hy weet hy kan ankers lig wanneer hy moeggespeel is … maar waarheen gaan sý met haar hartseer en verlies as sý nou kop verloor?