Lehlotlo Folklore Anthology (Sepedi) (1 year) Digital Edition

Ye ke kgoboketšo ya dingwalotšhaba go tšwa magorong le dileteng tša go fapana tša bana ba serišane. Bangwadi ba akareditše dinonwane, diretotumišo, direto tša kgoro le dikanegelokeletši. Mo go diretotumišo go retwa magoši, baetapele, bagale le bagaleadi, setšo, bohwa le ditiragalo tša go ikgetha tša setšhaba. Dikoša di tsenyeletša dikošana tša lenyalo, mošomo, tšhupamabaka, lethabo, dillo, dikwero le leago. Karolo ya dikanegelokeletši e re nyanyollela diema, dika le dithai ka nepo ya go godiša le go aga motheo wo o tiilego wa setšo le tsebo ye e humilego ye e lego lefa leo re le tlogeletšwego ke bagologolo. Maikemišetšo ke gore barutwana le barutiši ba ipshine ka go ngwatha disolapharephare le go itatswa menwana ka mero le menonelo ya polelo ya segagešo.