Kodumela Grade 7 Core Reader

Padišo ye e lomana seetse le mohlwaela wa dipuku tša Kodumela tša Leleme la Gae tšeo di ngwadilwego ka Sesotho sa Leboa/Sepedi. Nepo ya puku ye ke go hlatloša bokgoni bja barutwana bja bokgabongwalo bjo bo akaretšago: • Dingwalotšhaba • Dikanegelokopana • Direto le • Tiragatšo Ka gona, barutwana ba tla utolla tsebo le go ithuta go e šomiša ka tsela yeo e kwešišegago maphelong a bona. Ba tla kgona go lemoga le go rarolla mathata. Go tšwela pele, ba tla tšea diphetho ka go nagana ka tsinkelo le boitlhamelo bjo bo tseneletšego. Therešo ke gore lenaneothuto la Afrika Borwa le nepišitše go hlatloša tsebo ka dikamano tša tikologo ya selegae, mehola, meetlo gotee le setšo le ditumelo tša setšhaba sa molalatladi. Mokgwa wo wa go ithuta o tla dira gore barutwana ba kgone go ipapetša le ditšhaba tše dingwe tša lefase.