Kodumela 7 (HL) Learner’s book (CAPS)

Kodumela ke ye nngwe ya dipukutatelano tša Leleme la Gae ye e ngwadilwego ka Sesotho sa Leboa/Sepedi. Puku ye e theilwe godimo ga dikokwane tša Setatamente sa Pholisi sa Lenaneothuto le Kelo (SEPHOLEKE) maikemišetšo e le go tiišetša Molaotheo. Nepokgolo ke go tloša mapheko tseleng ya morutwana le go ala magato a go fihla manamelelong a godimo a go ithuta Leleme la Gae bjalo ka leleme la semmušo. Puku ya Morutwana e tšweletša ka nepagalo peakanyo ye e lekanyeditšwego. Lenaneothuto la Leleme la Gae le theilwe godimo ga diiri tše 4.5 ka beke gomme le akaretša dibeke tše 40 tša tšhupamabaka ya sekolo. Diteng di rutwa lebakeng la leboo la dibeke tše pedi; se se šupa gore diiri tše 9 leboong la dibeke tše pedi. Peakanyo ye e rulagantšwe go ya ka mabokgoni le diteng go thuša barutwana go kgoboketša le go tlemaganya tshedimošo. Ka gona, barutwana ba tla kgona go rarolla mathata ka noši, ba ba ba tšweletša le dikakanyo tša bona ntle le poifo goba kgonono. Moloko wo mofsa wa barutwana o fiwa sebaka sa go ba le kwešišo ye e tseneletšego ya ditšweletšwa tša polelo go akaretša le baamogedi ba tshedimošo. Re hutša gore barutwana ba tla utolla bokgoni le dimpho tša bona tša polelo, mererong le dikamanong tša go fapana.