Jenna en die leesperd

Jenna se wêreld tuimel inmekaar nadat sy uitvind dat sy weens ‘n rare siekte vir ‘n lang tyd nie mag perdry nie – dit nadat sy pas tot die beroemde Meg Kingsley se uitsoek-ruiterkuns oefengroep verkies is. Kort daarna kry sy werk op Kim se kleinhoewe met die klomp terapieperde: Daar is die massiewe Friesperd Groot Frieda en die vosmerrie Leah. Maar hoe kan ‘n mens se lewe so vinnig verander? Van belowende ruiter tot stalhulp vir terapieperde?