In my drome

Dokter Stella Swift is sedert haar tienerjare heimlik verlief op Arend Barnard. Jare later is Stella ’n gekwalifiseerde algemene praktisyn en Arend is die donkerkop narkotiseur wat steeds oorloop van ambisie. Asof hy iets het om aan die wêreld – en mense soos Stella se gesin – te bewys. Die een na die ander terugslag tref die Swifts. Het die noodlot besluit die twee dokters se lewenspaaie mag nooit kruis nie?