Hierdie mens

Hierdie veel bekroonde skrywer se eerste digbundel in 14 jaar. Dis toeganklike verse, gekenmerk deur ’n ironiese inslag, die toonaard verfrissend speels en lig. Maar die bundel staan ook in die teken van afskeid neem, en ’n sterk bewussyn van die onvermydelike naderkom van die einde van die lewe, ’n beleë aanvaarding van die onontkombaarheid van die slopingsproses.