Goedgenoeg vir Mienke

Die testament bepaal Mienke moet Goedgenoeg verdien deur ná ’n jaar wins te toon. Daarvoor sien Mienke kans. Waarvoor sy nie kans sien nie, is haar buurman. So dierbaar en behulpsaam as wat hierdie Ruben-man is wanneer hy op sy perd die werf inkom, so kan sy buie wissel. Mienke weet nie genoeg om dit te verklaar nie. Maar sake word wel duidelik toe die modelmooi en bedorwe vroumens en dié se ma op die buurplaas aankom, al twee vasberade om Ruben se ring aan die modelletjie se vinger te kry – of niks te erf nie.