Ena Murray Keur 14

In Weerklank van ons liefde beland ’n vrou met geheueverlies in dr. Rudolf van der Merwe se lewe. Al leidraad oor haar identiteit is ’n berig oor ’n onopgeloste moord. In ’n Tyd om te ween kry Rietspruit ’n nuwe dokter, maar Hybre vertrou nie die briljante dr. Ewald Waltmann nie. En in Die oujongnooi van Polkadraai gebruik Silpa grimeerkuns om haar twintig jaar ouer te laat lyk en doen dan aansoek om die pos van huishoudster vir twee kinders. Sy hou nie rekening met die aantreklike pa nie.