Eilande

EILANDE is méér as net ‘n boek. Dis ‘n magistrale roman, ‘n oerteks wat saam met die Dagjoernaal van Jan van Riebeeck gelees behoort te word. Dis eintlik ‘n gebeurtenis wat ‘n andersmaak bring vir elkeen wat dit onder hande neem. Maar dis ook ‘n helder boek. Dit sê vir jou in die eerste lang paragraaf wat dit gaan doen, en dan doen dit daardie ding. Dit plaas ons geskiedenis, in ‘n daad van liefdesbetuiging, in die liggaam van ‘n vrou.