Die rolbalspeler

Hans Meintjies woon saam met sy ma en broer in Bishop Lavis. Bedags vleg hy rottangmandjies by die Civilian Blind Society in Soutrivier, en saans droom hy van teruggaan skool toe, van iets máák van sy lewe. Die rolbalspeler vertel die ontroerende verhaal van ’n jong man wat vir die eerste keer in sy lewe sy voete vind. Twee persent sig is dalk ’n hindernis, maar niks skeel met sy verstand, of met sy hárt nie.