Willem Poprok (skooluitgawe)

Vir Willem van Vuuren is sy eerste jaar op hoërskool eerder ’n nagmerrie as die avontuur waarop hy gehoop het. Daar is die vreemde kinders in die kunsklas, waarin hy per ongeluk beland, die rugbyspan waarin hy ter wille van sy pa probeer vasbyt, Saterdae se werk in hulle slaghuis en dan nog die simpel kompetisie waarvoor sy broers hulle pa wil inskryf.