Siobhan van die sirkus

’n Coming of age-storie met Siobhán, ’n effens opstandige tiener in graad 11 as hoofkarakter. Sy verras (en skok) haar ouers toe sy besluit om die skoolvakansie by ’n sirkusskool aan te sluit “om net ’n slag iets anders in haar lewe te doen en te ervaar”. By die sirkusskool ontmoet sy ’n uiteenlopende klomp karakters – elk wat sy eie spreekwoordelike masker dra – wat almal uiteindelik ’n invloed op haar sal hê in haar soeke na haarself.