Die skrywer

Anabella Maria Bennett  beland een stormagtige aand met al haar geheime voor die hekke van die Addington-landgoed naby die dorpie Heimat. Arthur Addington, ‘n bekende Amerikaanse draaiboekskrywer,  woon hier soos ‘n kluisenaar nadat sy vrou en seun twee jaar vantevore in ‘n ongeluk oorlede is.  Sy eens roemryke loopbaan is ernstig aan die wankel. Die dorp se mense veroordeel hom omdat sy vorige huishoudster hom aankla  van aanranding, terwyl hy onder die invloed van drank was. Is dit waar? En wat is Anabella se agtergrond en geheime?  ‘n Merkwaardige verhaal van vriendskap en verlange deur meesterverteller Esta Steyn