Kolomela

Botshelo jwa ga Molatlhwa bo ne bo tlhakatlhakane. Go simolotse fela ka go gola a sa itse batsadi ba gagwe, selo se se neng se ja mowa wa gagwe letsatsi le letsatsi. O tswile kwa motseng wa gaabo a tshaba mme a tsaya loeto lo lotelele go ya go aga botshelo jo bo­wa kwa Khemmele, lefatshe la dikgaraga, kwa ditoro di neng di fetoga nnete teng. Padi e ke ya dinako tsa bokoloniale mo Aforikaborwa mme ga se nako e e bonolo go nna monna wa Moaforika. Fela dikgaraga ga twe ke motlele kwa Khemmele, mme botshelo jwa monna bo ka fetoga ka ponyo ya leitlho. Ga go sepe se se ka emang mo pele ga Molatlhwa le ditoro tsa gagwe tsa go tsaya loeto lo. A loeto lwa ga Molatlhwa lwa go fetola botshelo jwa gagwe lo tlaa atlega?