Emahlala (Siswati) Digital Edition

Ngalelibutselelo lemisebenti yetendzabuko sicondze kulondvolota imihambo nemasiko esive semaSwati. Kunenkhulumo letsi: kute wati lapho uya khona kufanele wati kucala kutsi ubuyaphi. Emagugu aKangwane akhelwe etikwesiyilo senhlonipho, emasikweni nasemihambeni yesive. Kungumsebenti wetfu kutsi sifundzise bantfwana betfu nesitukulwane lesitako ngetintfo betentiwa bokhokho betfu letabenta bakhona kuphumelela emphilweni. Naloku nje lamuhla imphilo yetfu seyibuswa tikhatsi temphucuko, kodvwa indlela yekutiphatsa nekuvuselelwa kwetimilo kubantfu labasha akungacedvwa ngulemikhuba lemisha lefike nabetive tekuhamba. Kuhlangana kwemndeni, kucocwe, kujatjulwe kwentiwe naletintfo betentiwa kadzeni ngiko lokungabuyisela lusha lwakitsi endleleni lelungile njengaloku sekwandze tigameko letibonisa kutsi seluphambuke kangakanani kuloku bekwentiwa bokhokho balo.